Тэмдэг нэр
яргайт [тэмдэг нэр]
яргай мод бүхий яргайтын гол (яргай мод ургадаг гол), яргайтын уул (яргай мод ургадаг уул).
яргар [тэмдэг нэр]
жигдэрсэн байдал.
яргиа [тэмдэг нэр]
дууны өнгө хатуу аягүй байдал яргиа дуутай (хатуу аягүй дуутай) үглээ,
ярдаг [тэмдэг нэр]
хүн, амьтны хэдэр хэвцэг, адайр зан ярдаг нохой (хэвцэг хэдэр зантай нохой), ярдаг хөдлөх (хүн амьтны хэдэр адайр зан нь хөдлөх), ардаг ярдаг (хоршоо үг) (зөрүүд, адайр зантай), яртай модны яран дундуур, ярдаг хүний шилэн дундуур (зүйр үг) (хэдэр занг нь дарах).
ярдгар [тэмдэг нэр]
шазгар, шазайж харагдах нь ярдгар мод (шазгар мод).
ярзгар [тэмдэг нэр]
хүн, амьтны уруул ойртохгүй шүд нь ярзайн үзэгдэх ярзан ярзан хийх (ярзгар юмны үе үе хөдлөх), ярзас ярзас хийх (ярзгар юмны үргэлжлэн хөдлөх), ярзас хийн инээх (а.дуугаралгүй шүдээ нэлээд ил гарган инээх б.огзом ярзайх) оёдлын утас нягт жигд ба арзгар шазгар байдалтайг нь шазгар.
яриг [тэмдэг нэр]
шар, цайвар шар яриг цагаан ингэний сариг цагаан ботго (цайвар шар ингэний цайвар цагаан ботго).
яриг [тэмдэг нэр]
зөрж, гөжүүдлэн ярьдаг хүн яриг хүн (гөжүүдлэн ярьдаг хүн) салахгүй үг яриад байдаг, ярвиг.
яртай [тэмдэг нэр]
яр шарх болсон яр шарх байгаа яртай мод (яр бүхий мод).
яртгар [тэмдэг нэр]
ярвагар яртас яртас (яртгар юмны хөдлөх байдал), яртас яртас хийх (яртгар юмны байн байн хөдлөх).
яруу [тэмдэг нэр]
уянгат сонсголонтой дуу яруу дуу (уянга эгшиг сайтай, чихнээ сонсголонтой дуу), яруу тунгалаг найрал хөгжим (чавхдаст, дэлдэх, үлээвэр хөгжмийн зэмсгээр бүрдсэн найрал хөгжмийн бүрэлдэхүүн) утга уянга яруу алдар (олон түмэнд алдаршсан гавьяа, авьяас цуу), яруу найраг (а.хуучир. эртний буддын гүн ухааны бага таван ухааны нэг б.айзам хэмжээнд тохируулан шүлэглэсэн зохиол, уран зохиолын нэг төрөл), яруу найрлага (бичиг зохиолын утга тодорхой, санаа агуулга нарийн зохицонгуй, үг өгүүлбэр уран найралтай байдал), яруу найрагч (яруу найраг бичдэг, мэргэжсэн хүн), яруу уянга (хоршоо үг) (сэтгэлд нэн тааламжтай, сонсголонтой байдал), яруу хэнгэрэг хөгжим. (модон хувингийн хэлбэртэй бөгөөд амсар хумгар, бүслүүр тойрон хоёр алд, өндөр нь таван тохой, зургаан ямх, ширийн аялгууны аймаг буюу бүрээсний эгшигтний аймагт багтдаг цохивор хөгжмийн зэмсэг), яруу эгшигт (зурхай судлал, зурхайн ухаан) (матрын ордонд байрлах одны нэр, арван хоёрдугаар сар).
ярхигар [тэмдэг нэр]
янхигар ярхигар том (янхигар том).
ясаг [тэмдэг нэр]
хялбар, нам, хямд.
ясархаг [тэмдэг нэр]
амьтны бие болоод яс том ясархаг биетэй (яс томтой) юмны яс чанар сайтай байдал.
яслаг [тэмдэг нэр]
ясархаг яс сайтай яслаг жүрж (ургамал судлал) (амтлаг жүржийн адил болоод арай жижиг, амт хүчтэй нэгэн зүйл жүрж).
яст [тэмдэг нэр]
яс бүхий яст жимс (яс, үр бүхий жимс), яст мэлхий (амьтан судлал) (гадуураа эвэрлэг ясан хуягтай, хөл богино, удаан хөдөлгөөнтэй, мөлхөгчтөн багийн амьтан, олон зүйл бий).
ястай [тэмдэг нэр]
яс бүхий юм ястай мах (яс бүхий мах) хүн малын чадал тэнхээтэй, чадалтай ястай хөгшин (чадал тэнхээ сайтай хөгшин) эд барааны чанар эдэлгээ сайтай ястай эдлэл (эдэлгээ чанар сайтай эдлэл) хүний мөс чанар, ханилгаа сайтай яс чанар сайтай хүн (мөс чанар, ханилгаа сайтай хүн).
ятгамж [тэмдэг нэр]
ятган сургамжилсан нь ятгамж үг (ятгаж хэлсэн үг).
ятгар [тэмдэг нэр]
ятайсан, богинохон.
яхир [тэмдэг нэр]
бусдын хийсэн, хэлсэн санаанд нь тохирдоггүй, хэвцэг, хатуу зантай хүн яхир өвгөн (хэвцэг хатуу зантай өвгөн), сахир яахир (хоршоо үг) (чанар муутай өнгөцхөн), яхир шахир (хоршоо үг) (яльгүй, аахар шаахар) нохойн архирамтгай, биедээ хавьтуулдаггүй хэдэр зан байдал яхир яшил (ургамал судлал) (жижиг мөчрийнхөө оройд зүү шиг хатуу өргөстэй, навчны нь өвөрт цомхон баг цэцэгтэй, бөөрөнхий яст жимс бүхий бут мод, холтосноос нь будаг боловсруулж авна, үр нь эмд ордог).