Төлөөний үг
хэчнээн [төлөөний үг]
хоёроос дээш тоо хэмжээг багцаалж тоймлон асуух төлөөний үг хэчнээн төлөөлөгч ирэх вэ (хэд орчим төлөөлөгч ирэх вэ) юутай, яасан хэчнээн сайхан бэ (юутай сайхан бэ), хичнээн хөөрхөн хүү вэ (яасан хөөрхөн хүү вэ) тодорхойгүй хугацааг заах төлөөний үг хэвийн байдлаас давсаныг илтгэх сул үг хэчнээн уддаг юм бэ (яасан их уддаг юм бэ).
чи [төлөөний үг]
ганц тоот хоёрдугаар биеийн төлөөний үгийн энгийн хэлбэр чи бидээ хүрэх (сайн муугаа дуудалцан хэрэлдэх).
энэ [төлөөний үг]
ойрын юмыг заан нэрлэх үг энэ хүн (нүүр тулан уулзаж байгаа хүн), энэ зуур (ойр хавиар), энэ мэт (үүнтэй адилхан), энэ тушаа (үүний харалдаа, энэ хавьд), энэ хавьд (ойр орчимд), энэ мэтчилэн (энэ мэтээр, үүнтэй адил), энэ тэр (хоршоо үг) (а.ойр болон хол байгаа юм б.олон юм в.гэх мэт), энэ тэр болох (элдвийн олон юм болох), энэ төрөлдөө горьгүй, эргэж төрвөл магадгүй (зүйр үг) (хэзээд дийлэхгүй, чадахгүй), энэ биеийнхээ залууд сур, ээж аавыгаа амьдад нь асар (зүйр үг) (а.эрдэм номыг залуудаа сур, эс бөгөөс хожим харамсана б.ээж аавыгаа амьдад нь асар, эс бөгөөс хожим харамсана), энэ бие өсөөд ээжээ хялайх муухай, эрдэм ном сураад багшаа муулах муухай (зүйр үг) (хүний ачийг мартах муухай).
яах [төлөөний үг]
үйлт нэрийн хэлбэрээр байгаа асуух төлөөний үг хэрхэх яах аргагүй (а.учир зүйг эрж арга олохгүй бэрхшээх, гайхахад хэлэх үг б.яагаад ч үл болох), яах вэ (а.хэрхэх вэ б.аливаа зүйлийг тоохгүй хэрэгсэхгүй байх), тэр яах вэ (түүнийг анзаарах хэрэггүй) яах нь вэ (хэрхэх нь вэ), яах билээ (а.юу хийвэл зохих вэ, хэрхэх билээ б.саад бэрхшээлтэй зүйл тохиолдоход бачимдан хэлэх үг), яавал дээр вэ (бэрхшээлтэй үйл явдал тохиолдож, ихэд бачимдахад өгүүлэх үг), яавал яаг (өөрөө мэдэг), яавал яатугай (дураараа болог), яагаа вэ (юу болоо вэ), яагаа ч үгүй (а.юу ч хийгээгүй, ямар ч юм болоогүй тэр
ямар [төлөөний үг]
аливаа хүн амьтан, юмны чанар байдал, овор дүр өнгө тэмдэг зэргийг лавлан асуухад хэрэглэх асуух төлөөний үг ямар байдалтай юм бэ (ямаршуу байдалтай юм бэ), ямар өнгөтэй вэ (ямаршуу өнгөтэй юм бэ), ямар хүн бэ (хүн чанараар хэр зэргийн хүн бэ) алив нэгэн юм, ямарваа зүйл ямар ч (юу ч, яасан ч), ямар ч бараа харагдахгүй байна (юу ч харагдахгүй байна), ямар ч тус болохгүй (юу ч тус болохгүй), ямар нүүрээрээ (зохисгүй, зовмоор зүйл хийчихээд уулзахад хэцүү гэсэн санаа) сэтгэл хөдлөхөд хэрэглэх үг яасан ямар сайхан өглөө вэ (яасан сайхан өглөө вэ), ямар хачин юм бэ (яасан хачин юм бэ).