Дайвар үг
цөм [дайвар үг]
бүгд, нийт цөм бэлэн болох (бүгд бэлэн болох), цөм минийх (бүгд минийх), цөм сайн (бүгд сайн), цөм явах (бүгд явах).
цөм [дайвар үг]
өм, гэнэт цөмрөх байдал цөм өшиглөх (цөмөртөл өшиглөх), цөм цохих (өм цохих), өм цөм (хоршоо үг) (юмны энд тэнд өмөрч цөмөрсөн байдал).
цуг [дайвар үг]
хамт цуг суух (хамт суух), цуг явах (хамт явах) хуучир. багц, боодол.
цуу [дайвар үг]
гэнэт цуулах, цуурах байдал цуу татах (зад татах, цууртал татах), цуу цохих (хэмх цохих, цууртал цохих).
цухас [дайвар үг]
товч төдий, цухуйх төдий, үл ялим цухас дурдах (товч төдий дурдах), цухас хэлэх (товч төдий хэлэх), цухас хийх (түргэн зуур, гэнэт, нэг удаа цухуйх), цухас хийн өнгөрөх (түргэн зуур цухуйн өнгөрөх).
цүүлс [дайвар үг]
нэвт, хэт.
чанд [дайвар үг]
маш чанга, хатуу чанд биелүүлэх (ёсчлон биелүүлэх), чанд ёс (хатуу чанга ёс) хатуу чанд (хоршоо үг) (хатуу чанга) нарийн хатуу, дэг журамтай чанд баримтлах (хууль ёс, дэг журмыг хатуу баримтлах), чанд сахих (хатуу сахих), нарийн чанд (хоршоо үг) (аливаа зүйлийг хийж гүйцэтгэхдээ хянамгай, дүрэм журмыг баримтлах нь).
чанх [дайвар үг]
эгц, цэх яг чанх дээшээ (эгц дээшээ), чанх зүүн тийш (эгц зүүн тийш), чанх урагшаа (эгц урагшаа) өөр, эрс тэс чанх буруу (маш зүй бус), чанх зөрүү (маш гажуу, буруу), чанх өөр (огт адилгүй, өөр).
чиг [дайвар үг]
гэнэт яг болох байдал чиг хийх (яг таг хийх).
чухамдаа [дайвар үг]
үнэндээ чухамдаа гэж хэлэхэд (үнэндээ гэж хэлэхэд).
чухамхүү [дайвар үг]
чинхүү, үнэнхүү, ёстой чухамхүү үнэн (чинхүү үнэн).
шаз [дайвар үг]
улбарч ялзартал чанах, болгох байдал шалз шаз мах (шалз чанасан мах), шаз толгой (шалзартал чанасан толгой), шаз чанах (шалз чанах).
шалав [дайвар үг]
хурдан, түргэн шалав дуусгаарай (түргэн дуусгаарай), шалав ирээрэй (хурдан ирээрэй), шалав яваарай (хурдан яваарай), хулав шалав (хоршоо үг) (хурдан шаламгай байдал).
шалз [дайвар үг]
хэгз шалз цохих (цус гартал, хэгз цохих), шалз чанах (хэт чанах, шаз чанах), шалз түлэгдэх (маш их түлэгдэх).
шодор [дайвар үг]
шодгор юмны юмны нэгэнтээ хөдлөх байдал, шодор шодор хийх (шодгор юмны байн байн хөдлөх).
шолбо [дайвар үг]
шолбойтол норох байдал шолбо норох (шолбойтол норох).
шон [дайвар үг]
нохой зэрэг амьтны алгуурхан шогших байдал.
шөнө [дайвар үг]
нэг хоногийн үдшээс өглөө хүртэлх цаг хугацаа шөнө болгон (шөнө бүр), шөнө дөл (шөнө дунд буюу хулгана цаг), шөнө дөл хэлбийх (үхэр цаг), шөнө дуусан (шөнийн турш, шөнөжин), шөнө дүл (шөнө дунд хэвийсэн), шөнө дүл болсон хойно (шөнө дунд хэвийсэн хойно), өдөр шөнөгүй (өдөр шөнийн турш), шөнө өдөргүй (зай завгүй, зогсоо чөлөөгүй), шөнө өдөргүй ажиллах (а.зогсоо чөлөөгүй ажиллах б.шөнөжин өдөржин ажиллах), шөнө шөнө (шөнө бүр, шөнө болгон), шөнийн дайсан хуучир. (нарны илт өгүүлэх нэр, өдөр болгогч, мянган гэрэлт, лянхуаг дэлгэрүүлэгч), шөнийн дэлгүүр (хорин дөрвөн цагийн турш ажилладаг, хүнсний болон ахуйн хэрэглээний бараа бүтээгдэхүүнийг худалдаалах үйлчилгээний газар), шөнийн манаа (шөнө гардаг манаа), шөнийн нэвтрүүлэг (шөнийн цагаар радио телевизээр явах тусгай нэвтрүүлэг), шөнийн харанхуй (шөнийн тас харанхуй), шөнийн цаг (шөнөд хамаарах цаг хугацаа), бүрхэг шөнө (саргүй шөнө), бүхэл шөнө (шөнийн турш, шөнөжин), өвлийн шөнө (өвөл цагийн шөнө), харанхуй шөнө (а.саргүй, тас харанхуй шөнө б.(шилжсэн утга) хэтэрхий оройтсон), харанхуй шөнөөр явах (хэтэрхий шөнө орой явах), өдөр шөнө (хоршоо үг) (нар, сар мандах болон шингэх бүхий хугацаа, хоног), шөнө орой (хоршоо үг) (үдшээс үүр цайх хүртэлх хугацаа), өдрийн бодол шөнийн зүүд (ямар нэгэн хэрэг явдал болон хэн нэгэн сэтгэлээс гарахгүй болох, цаг ямагт бодогдох), их санасан газар есөн шөнө хоосон (хэтэрхий их найдсан зүйл нь бүтэлгүй болох), өдөр гурвалжин, шөнө дөрвөлжин (оньсого) (өрх), эмээлгүй хүн өдрийн гуйлгачин, эхнэргүй хүн шөнийн гуйлгачин (зүйр үг) (гэр бүлийн амьдрал эрхэм чухал).
шөнөжин [дайвар үг]
шөнийн турш шөнөжин унтах (шөнийн турш унтах), шөнөжин явах (шөнийн турш явах), өдөржин шөнөжин (хоршоо үг) (а.өдөр шөнийн турш, хорин дөрвөн цагийн хугацаанд б.(шилжсэн утга) завсар завгүй, зогсоо чөлөөгүй), өдөржин шөнөжин ажиллах (өдөр шөнийн турш, зай завсаргүй ажиллах).
шуд [дайвар үг]
гэнэт, шууд шуд дайрах (шууд дайрах).