1

340,810,390 ₮

Хасагдсан

1. ТШЗ 19.2-т Ажил гүйцэтгэх үе шатны хуваарийг баталгаажуулан ирүүлэх гэж заасан. Үүний дагуу танай байгууллагаас ирүүлсэн 60 хоногт багтаан хийх ажлын төлөвлөгөөг баталгаажуулан ирүүлсэн нь бусад оролцогчдын өгсөн ажил гүйцэтгэх хугацаанаас хамгийн их байна. 2. ТШЗ 19.1 дүгээр зүйлд Ижил төстэй ажил гүйцэтгэсэн туршлага: “Шаардана” гэж заасан. Үүнд: 1. Ижил төстэй ажил гүйцэтгэсэн туршлага: Сүүлийн 2 жил буюу 2023, 2024 онд Барилгын дээвэр засварласан туршлагыг тооцно. 2. Ижил төстэй ажил гүйцэтгэсэн 2023, 2024 оны аль нэг жилийн мөнгөн дүн нь тендер ирүүлсэн батлагдсан төсөвт өртгийн 60 хувиас багагүй байна. -Ижил төстэй ажил гүйцэтгэсэн туршлагыг нотлох ажил гүйцэтгэсэн гэрээ, санхүүгийн анхан шатны баримт ашиглалтад хүлээн авсан комиссын дүгнэлтийг ирүүлнэ гэж тус бүр дугаарлаж заасан. Гэвч Монгол Улсын Сангийн Яамны 2025 оны 09 дүгээр сарын 08-ны өдрийн “Гомдол хянасан тухай” 02/8264 дүгээр албан бичгээр дээрх шаардлагын ТШЗ 19.1-ийн 2. Ижил төстэй ажил гүйцэтгэсэн 2023, 2024 оны аль нэг жилийн мөнгөн дүн нь тендер ирүүлсэн батлагдсан төсөвт өртгийн 60 хувиас багагүй байна гэсэн заалт байх бөгөөд үүнийг ТШЗ 19.1-ийн 1.Ижил төстэй ажил гүйцэтгэсэн туршлага: Сүүлийн 2 жил буюу 2023, 2024 онд Барилгын дээвэр засварласан туршлагыг тооцно гэж заасан заалтад үндэслэн шийдвэр гаргасан нь алдаатай байна. Танай байгууллага нь дээрх ТШЗ 19.1-ийн 1. Ижил төстэй ажил гүйцэтгэсэн туршлага: Сүүлийн 2 жил буюу 2023, 2024 онд Барилгын дээвэр засварласан туршлагыг тооцно гэж заасны дагуу зөвхөн 2023 оны гэрээ ирүүлж, 2024 онд гүйцэтгэсэн гэрээ, санхүүгийн анхан шатны баримт, ашиглалтад хүлээн авсан комиссын дүгнэлт огт ирүүлээгүй нь шаардлага хангахгүй байна. 3. Танай компанийн ирүүлсэн үнийн санал нь нийт оролцогчоос хамгийн өндөр үнийн санал байна. Иймд Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 26 дугаар зүйлийн 26.4.1, 27 дугаар зүйлийн 27.5, 28 дугаар зүйлийн 28.1.3 дахь заалтуудыг үндэслэн татгалзсан болохыг мэдэгдэж байна.

2

323,018,478 ₮

Шалгарсан

Төрийн болон орон нутгийн өмчийн хөрөнгөөр бараа ажил, үйлчилгээ худалдан авах тухай хуулийн 26 дугаар зүйлийн 26.9, 27 дугаар зүйлийн 27.5, 28 дугаар зүйлийн 28.1.1 дэх заалтуудыг үндэслэн

3

327,889,804 ₮

Хасагдсан

Танай байгууллагаас ирүүлсэн тендерийг хянан үзэхэд, дараах шаардлагуудыг хангахгүй байна. Үүнд: 1. ТШЗ 19.1-т Техникийн чадавх болон туршлагын шаардлагат ажил гүйцэтгэх хүний нөөцийн мэдээлэлд ажилтны сургууль төгссөн дипломын хуулбарыг ирүүлэх шаардлагагүй, төрийн мэдээлэл, солилцооны ХУР системээр дамжуулан Боловсролын яамны мэдээллийн сангаас шалгана. (Оролцогч нь Төрийн үйлчилгээний нэгдсэн систем /e-mongolia/-д ажилтны дээд боловсролын дипломын мэдээлэл байршсан эсэхийг урьдчилан шалгах шаардлагатайг анхаарна уу.) Дээрх бүртгэл хийгдээгүй тохиолдолд тендерээс татгалзах үндэслэл болохыг анхаарна уу гэж заасан. Гэвч танай компани нь цахим системд ажилтнуудын буюу ерөнхий инженер, инженерийн боловсролын мэдээлэл ирүүлээгүй нь дээрх шаардлагыг хангахгүй байна. 2. ТШЗ 19.1 Ижил төстэй ажил гүйцэтгэсэн туршлага: “Шаардана” гэж заасан. Ижил төстэй ажил гүйцэтгэсэн туршлагад сүүлийн 2 жил буюу 2023, 2024 онд барилгын дээвэр засварласан туршлагыг тооцно. Ижил төстэй ажил гүйцэтгэсэн 2023, 2024 оны аль нэг жилийн мөнгөн дүн нь тендерт ирүүлсэн батлагдсан төсөвт өртгийн 60 хувиас багагүй байна. Ижил төстэй ажил гүйцэтгэсэн гэрээ, санхүүгийн анхан шатны баримт, ашиглалтад хүлээн авсан комиссын дүгнэлттэй ирүүлнэ гэж заасан. Гэвч танай компани 2023 оны гэрээний мэдээлэл ирүүлээгүй, 2024 онд “Эффата” ХХК-тай 150 сая төгрөгийн гэрээ байгуулсан боловч санхүүгийн анхан шатны баримт, ашиглалтад хүлээн авсан комиссын дүгнэлтийг ирүүлээгүй байна. Иймд Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 26 дугаар зүйлийн 26.4.1, 28 дугаар зүйлийн 28.1.3 дахь заалтуудыг үндэслэн татгалзсан болохыг мэдэгдэж байна.

4

305,496,912 ₮

Хасагдсан

2. ТШЗ 19.2-т Ажлын зураг, төсвийн дагуу тооцсон төсөв зохиож, эрх бүхий төсөвчнөөр баталгаажуулсан байна. /Монгол Улсад хүчин төгөлдөр хэрэглэгдэж буй хууль, тогтоомж, журам, зааврын дагуу төсөв зохиох программаар гүйцэтгэсэн байна/ гэж заасан. Захиалагчаас цахим системд өгөгдсөн Зураг төслийн “Аз Арч” ХХК-ийн шифр: АА-11/2024, 2024 оны ажлын зургийн хуудас 19, дээврийн нэгдсэн түүвэрт дээврийн хар цаасыг дээд 1 үе, доод дэвсгэр 2 үе гэж заасан. Энэ нь чулуугүй хар цаасыг 2 үе наах, чулуутай хар цаасыг 1 үе наах гэсэн утгатай. Гэтэл танай компани нь ирүүлсэн төсөвтөө “.... 1 үе хар цаасан дээр 2 үе техноэласт чулуутай хар цаас давхарлан бүрж наах /Техноэласт-ЭКП/” гэж бичсэн нь технологи болон дээврийн засварын ажлын хувьд алдаатай байна. 4. ТШЗ 19.1-т Техникийн чадавх болон туршлагын шаардлагат ажил гүйцэтгэх хүний нөөцийн мэдээллийг шаардсан. Танай ирүүлсэн материалд “Хан сесан” ХХК-ийн захирлын тушаалаар ерөнхий инженерээр Б.Оюунтуяаг ажилд томилсон байна. Б.Оюунтуяагийн тендерт ирүүлсэн нийгмийн даатгалын шимтгэл төлөлтийн талаарх тодорхойлолт дээр нийт НДШ төлсөн сар 51 байгаа нь ТШЗ 19.1-ийн ерөнхий инженер нь мэргэжлээрээ ажилласан жилийн туршлага 5 жилээс доошгүй буюу 60 сар байна гэсэн нөхцөлийг хангахгүй байна. 9. ТШЗ 19.1 Ижил төстэй ажил гүйцэтгэсэн туршлага: “Шаардана” гэж заасан. ТШЗ 19.1-ийн 2-т Ижил төстэй ажил гүйцэтгэсэн 2023, 2024 оны аль нэг жилийн мөнгөн дүн нь тендерт ирүүлсэн батлагдсан төсөвт өртгийн 60 хувиас багагүй байна. Ижил төстэй ажил гүйцэтгэсэн гэрээ, санхүүгийн анхан шатны баримт, ашиглалтад хүлээн авсан комиссын дүгнэлттэй ирүүлнэ гэж заасан. Гэвч танай компанийн ирүүлсэн 2023 онд иргэн Ц.Лхагвасүрэнгийн 20 айлын орон сууцны барилгын дээврийн ажил гүйцэтгэх гэрээ, “Суварга Алтай Констракшн” ХХК-тэй Эмнэлгийн дээврийн их засварын ажил гүйцэтгэх гэрээг ирүүлсэн боловч тус бүр санхүүгийн анхан шатны баримт, ашиглалтад хүлээн авсан комиссын дүгнэлт ирүүлээгүй. Иймд Төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хуулийн 26 дугаар зүйлийн 26.4.1, 26.4.2, 28 дугаар зүйлийн 28.1.3 дахь заалтуудыг үндэслэн татгалзсан болохыг мэдэгдэж байна.