Эрхэм хүндэт хэрэглэгч, шудрага иргэд, найз нөхөд өө,

Дэлхийн улс орнууд төрийн үйл ажиллагаа, бодлого, шийдвэр, үйл ажиллагаатай холбоотой хуулиар хориглоогүй өгөгдлийг олон нийтэд нээлттэй болгох замаар засаглалын ил тод байдлыг сайжруулж, иргэдийн мэдэх эрхээ хэрэгжүүлэх боломжоор хангаж байна. Энэ нь төрийн үйл хэрэгт оролцох иргэдийн оролцоо, төрд итгэх итгэлийг нэмэгдүүлдэг байна. Бодит тоо баримт, мэдээлэлд үндэслэж олон хүний оролцоотойгоор аливаа асуудлыг шийдвэрлэдэг болсон өнөө үед нээлттэй өгөгдөл нь өөрөө нийгмийн олон талуудад тэгш байдал, тэгш боломжийг олгох, хувь хүний танин мэдэхүйн суурь хэрэгцээг хангах технологид суурилсан чухал хэрэгсэл мөн юм.

Манай веб сайт тус боломжийг бүрдүүлэхээр хичээж ирсэн ба мэдээлэл технологийн төслийн хувьд аливаа цэгт зогсолгүй, байнга үргэлж хөгжихөөр тэмүүлж байна. Орчин үеийн технологийн эрчимтэй хөгжлийн үед өсөж хөгжихгүй бол улам давжаарна, урагш хурдан гишгэхгүй бол арагш ухарч байдаг. Бид 2019 онд дөнгөж мэндэлж, 2020 онд хөлд орсон гэж үзвэл, 2021 онд хэлд орж, манай сайтаас мэдээлэл авдаг хэрэглэгч та бүхэнд цогц мэдээлэл нэмэлт боломжийн хамт тун удахгүй уулзах болно.

Ирээдүйн сайхан Монгол орны иргэд та бүхэн, сар шинэдээ сайхан шинэлээрэй.